Kumpulan Pantun Minang Dengan Tema "Cubadak"

Kumpulan Pantun Minang Dengan Tema "Cubadak" - Di minangkabau aplikasi kehidupan sehari-harinya banyak diambil dari filosofi alam. Salah satunya yaitu berpantun, berikut kumpulan pantun minang dengan teme "cubadak". Pantun di didapat dari mention teman-teman atau dunsanak kita yang bermain di jejaring sosial twitter dengan hastag #PantunMinang. Terima kasih atas apresiasinya semua.

Pantun Minang Dengan Tema "Cubadak"

Pai ka pasa sm si nanang
Nampak urg manjua cubadak
Alah standby manunggu pantun minang
Yo alah sabana taragak – @ariesta_ferline

Cubadak masak di tangah rimbo
dimakan urang pai baburu
sungguah ibo hati ambo kiniko
mancaliak urang pangantin baru – @nolacliquer

Iyo lamak raso cubadak
labiah lamak cubadak hutan
cinto denai ka anak amak
usahlah amak ragukan – @tilova

Buah markisa buah cubadak
Buah dicubo wakatu patuih
Ba a caro ka lalok lamak
Jikok tugas ko takana taruih – @ongkiprinanda

Kandak salero nio gulai cubadak
kanai bae jo incek sakak
Ndak usah adiak mampataba badak
budi baiak se nan diparancak – @e_gie23

dalam rimbo ado cubadak
cubadak diambiak jo pinjuluak
cantik alami tu bukanlah jo badak
tapi basah jo aia wuduak – @SavarLeo

Bali cubadak di tangah pasa
dibali urang bukiktinggi
indak guno kini manyasa
tarimo sajo nan alah tajadi – @nolacliquer

Gulai cubadak ba angekan
kawannyo samba goreng bada
Lah payah adiak manyamangaik an
apolah dayo adiak lai da – @ariesta_ferline

Buah cubadak ditangah pasa
habih dibali jo si amaik
Jan lupo ka dharmasraya
pai mancaliak Festival adaik – @dedetsaugia

Samba jariang Gulai cubadak
makannyo di pasa silungkang
nan lalok kini acok indak Lamak
Mancaliak adiak ka disuntiang urang – @ansharifebi

Gulai cubadak dimakan buyuang
urang gaek jalannyo dituntun
bialah pantun awak dak nyambuang
yang penting ikuik bapantun – @aciiinew

Duduak manih dirumah gadang
makan gulai cubadak jo gulai itiak
kapatang ko baru plg ka padang
kini lah taragak lho baliak – @ariesta_ferline

Cubadak di ateh sampan
Sampan dikayuah jo sabatang batuang
Ambo ko sabana tampan
Kok di caliak dr ateh gunuang – @Panglima__

Bali nasi gulai cubadak
mandi-mandi di lubuak paraku
Nan hati yo sabana taragak
nan adiak icak-icak indak tau – @anshariFebi

Makan lontong gulai cubadak
makanyo di rumah sabalah
apo adiak indak taragak
mancaliak uda yang tambah gagah – @Shan7117

Gulai cubadak lamak rasonyo
dimakan basamo jo kawan-kawan
tacabiak hati di dalam dado
kironyo cinto hanyo mainan – @ulifpr

Simpang Cubadak di Indaruang
Luruih jalan ka lubuak paraku
Cubolah danga oi nak kanduang
Jagolah badan jo tingkah laku – @karakkaraknasi

sungguah lamak cubadak masak
latak an nyo di ateh pinggan
#PantunMinang sabana lawak
cubo pulo buek pantun tandingan – @fm_putra

Makan bajamba jo gulai cubadak
dimakan saketek saketek
mancaliak adiak nan samakin rancak
makan taruang taraso steak – @e_gie23

Dalam bulango ado Cubadak
Usah dilatak di ateh kasua
kalau talingo lah mulai pakak
asak kato urang nan tadanga ansua – @azman_syaiful

Si Bujang nan di sungai cubadak
Basumando jo urang Painan
Jan sampai iduik panuah dek galak
Sampai sasa nan di kamudian – @PrimeYogaSanada

Di mano tumbuah cubadak
Di sabalah parak kapelo
Kalo adiak sadang taragak
Uda pun marasokan yang samo – @BangBocet

Cubadak masak sabana kamek
manih nyo indak tadayo
cubolah adiak duduak mandakek
kito bagurau basamo samo – @PratamaRiyand

Di alek gadang basamba cubadak
nasi angek kawan makan nyo
ondeh danga ratok anak amak
kini dirantau balinangan aia mato – @PratamaRiyand

Angku kali pai ka balai
malapeh taragak gulai cubadak
mato takantuak takulai-kulai
handak manonton barca malawan ayak – @Rahmatsuryaedi

Cubadak badakak dakak
antimun batali tali
dari jauah adiak nampak
tasirok darah dalam hati – @rankphily

Jauah bjalan lah traso panek
singgah makan gulai cubadak jo nasi
ketek lah tabiaso manconek
kok gadang ka jadi aktor korupsi – @alfalahFajri

Sungguah malang buah cubadak
Sakali babuah buahnyo busuak
Gara-gara manahan taragak
Mato batanggang samalam suntuak – @BangBocet

Panakiak pisau sirauik
ambiak gatah buah cubadak
kok satitiak jadikan lauik
mupakaik kamanakan sarato mamak – @rankphily

Lamak dimakan buah cubadak
manih taraso tibo di lidah
kok adaik basandikan syarak
syarak basandi jo kitabullah – @rankphily

Demikianlah beberapa Kumpulan Pantun Minang yang bertemakan kata "cubadak", dilain kesempatan akan di buatkan lagi dengan tema yang lainnya.

Subscribe to receive free email updates:

1 Response to "Kumpulan Pantun Minang Dengan Tema "Cubadak""

  1. Basilang kayu ditungku
    Disinan api mangko kayalo
    Didalam hati sabana rindu
    Tapi ndek adiak balengahkan sajo

    ReplyDelete